Tor Inge si rare verd

2010-08-16T12:18:00.002+02:00

No er det ekstremt lenge sidan sist innlegg og det har skjedd mykje. Dagen etter sist innlegg, 12. mai, gjekk eg nemleg ned på kne, og fekk det svaret eg ville ha. Fortsettelsen kan du følgje på gunhildogtoringe@blogspot.com.

Sumarferien kan oppsummerast slik:

-1 veke på vestlandet med hyttetur og bryllaupsplanlegging.
-10 dagar på Balkan, med lokale guidar: Zagreb, Banja Luka, Zalzar og Beograd.
-1 veke på retreat i Lom, med fjellvandring.
-Bryllaup i Søgne/Kristiandsant til Anja og Trond.

Kanskje det kjem meir frå sumarferien når me har fått selgt leiligheten og gifta oss.

2010-05-11T21:39:00.004+02:00

No er det lenge sidan eg har skrevet blogg. Då eg skreiv dette, satt eg på hotellet i Nürnberg. Der var eg på ein konferanse i 3 dagar.

Trur eg skal skrive om hendingane dei siste 2,5 månadane ganske raskt, så får me seie at eit bilete seier meir enn 1000 ord.

Tråkktur til Gjervfjellet med Gunhild og to andre tråkkarar. Mykje laussnø og kaving, men me kom til toppen, sjølv utan feller. Ellers har det vorte mange turar i Estenstadmarka og Klæbumarka i vinter.

Ellers har nokon helger gått med til hosting, svimmelhet og sofaligging. Me har ikkje greid å koordinert oss og har vore sjuk annankvar gang. Dermed har me heller aldri funnet ut kven som har smitta kven.

Når begge endeleg var friske samme helg, drog me på kvar vår tur. Gunhild med Tråkk til Blåstøylen, eg med jobben til Åre. Takk til Torstein som arrangerte turen og som vekte meg med å hoppe i senga mi kl 2 på natta.

Så var det påske, på Vestlandet, med ekte vestlandsver. Men passe korte fjellturar var det både på Reigstad og i Gjøvåg, vedstabling og installering av ny pc.

Påsketuren vart utsatt til første laurdag etter påske. Den begynnte litt grått, men regnet forsvann raskt, og solbrillene måtte fram. Nedturen var at eg fann ut at eg hadde gløymd fløyten til middagen. Håpet var at Prestøyhytta skulle vere open slik at me i allefall kunne få litt tørrmjølk. Dessverre var det ingen der, men dei før oss hadde vore meir desperate, og brutt opp låsen. Etterkvar fann me ut at me hadde gløyt meir: begge hadde gløymd tallerken og bestikk…Sola viste seg frå si beste side denne dagen, og resulterte i litt farge og antydning til solbrilleskille. Takk og til mannen med snøscooteren som viste oss vegen tre ganger; da me lurte på om me kjørte rett, da me såg litt forvirra ut når me skulle gå frå parkeringsplassen, og da me hadde gått for langt.

Neste helg var me i bryllaupet til Bernt Harald og Ann-Gjertrud og påfølgjande helg var det Oslo-tur til familien Fossum. Jacob har vorte veldig snakkesalig, og kommenterte det mesta. Me fekk og treffa både familien Seime og familien Wethelund. Sistnemte besøkte me på gården deira i Trøgstad.

10 000 dagar gammal

2010-02-16T21:12:00.007+01:00

I går fylte eg 10 000 dagar. Dagen vart feira som dei fleste andre 10 000 dagars-dagar; forbigått i all stillhet. Har ikkje høyrd om nokon som har feira denne dagen, så det er vel kanskje ikkje så stor dag sjølv om talet er veldig rundt. Jaja, det er i allefall ei fin overskrift og ein fin grunn til å skriva eit blogginnlegg.

OL-TV-kveld i dag. Har faktisk litt tid i dag til å sjå på norske atletar som gjer da middelmåtig samtig som eg mimrar tilbake til 1994. Kunne NRK ikkje berre sende Lillehammer OL i reprise istaden for Vancouver OL? Sikkert mykje billegare, og trur nok dei fleste nordmenn hadde likt betre å sjå dei gamle heltane som viste verden kven som var best. Me vil ha Koss, Dæhli, Ulvang, Åmot og Kjus tilbake. Me er kravstore. Me vil ha GULL! Nei, alt var mykje betre før.

Åyy, det er visst nesten to månader sidan sist innlegg. Får vel komme med ein liten oppdatering. 2009 vart avslutta med eit par dagar i Gjøvåg, hjå svigers. Og i Gjøvåg jobbar ein, tidleg morgon og seint kveld. Eg hadde blitt forberedt på skogsarbeid på forhand, og det vart det. Tord fortalte for lenge sidan at dette var ein utmerka måte å gjere eit godt inntrykk på svigers, noko han sjølv følte han hadde lykkast med. Og eg håpar eg og gjorde eit godt inntrykk. Nyttår vart feira i Gjøvåg, med rakettar på VELDIG trygg avstand. Men me både høyrde og såg dei. Og pinnekjøttet av geit var like godt som resten av den heimeproduserte maten som vart sett på bordet.

Deretter fortsatte me til Øynæ (Osterøy), der me tok desse bileta:

Saksa frå bloggen til mammå (måmmå har faktisk blogg): "Sidan ho (Gunhild) har eit franskt mellomnamn og austlandske aner, la eg ei ert under madrassene hennar. Jenta sa ho hadde sove godt, så ho er nok den gardsjenta, som ho hevdar ho er, frå enkle kår eit stykke frå allfarsveg." Måmmå er litt sprø....

Skisesongen har byrja for lenge sidan i Trondheim, litt lite snø og litt kaldt i januar, men da har vorte nokre turar likevel. Gunhild fekk litt betre trening enn meg på ein tur i Klæbumarka, eg hadde tynne ski, og ho fjellski. Det endte i nye ski til ho og litt høgare puls for meg på neste tur.

Ein søndag var me litt seine ut på ski, seine nok til å få med oss solnedgangen på Liaåsen. Kameraet var med i sekken på dei to fyrste turaren, men denne gangen låg det diverre heima. Men det vart ein super tur for det.

Prøvde meg som sjukepleiar ei helg. Verka for meg som eit veldig koseleg og avslappande yrke, men det kan jo hende at andre sjukepleiar har sjukare og fleire pasientar enn den eine eg hadde.

Denne veka er Gunhild på konferanse i Sveits, og eg har planer om å ta igjen mykje av det forsømde dei siste månadane, som å skriva blogg. Og så kan det jo hende eg får juble litt av norske gull innimellom.

God Jol!

2009-12-24T13:21:00.005+01:00

Det vert diverre ikkje nokon julekort i år heller, men dei som ynskje oppdatering om kva som har skjedd det siste året, kan jo til dømes lesa denne bloggen. Trur det viktigaste er tatt med her :)

Feirar jul på Osterøynæ som vanleg. Veldig kjekt å vere heima ei stund, spesielt sidan eg berre var heima ein kveld i sumar. Og det er bra med fint ver og kvit jul :) Har vorte litt aking og trasking i snøen, og kanskje eg skal låne eit par ski etterkvart?

I dag er det julafta, og me får besøk av tante og bestemor. I morgon og overmorgon er det familieselskap på rekkje og rad, deretter går turen til Tysnes (gler meg), så tilbake til øynæ og opp igjen til bartebyen søndag etter nyttår.

Årets julesangtips: Garness - Barnet i krybben

Eg vil ynskja alle ei velsigna god jul. Og hugs: Ingen jul utan Jesus

"I opphavet var Ordet,
Ordet var hos Gud,
og Ordet var Gud.

Han var i opphavet hos Gud.

Alt vart til ved han,
og utan han vart ikkje noko til.

Det som vart til
i han, var liv,
og livet var lyset for menneska.

Lyset skin i mørkret,
og mørkret har ikkje overvunne det.

Det sanne lyset
som lyser for kvart menneske,
kom no til verda.

Han var i verda,
og verda vart til ved han,
og verda kjende han ikkje.

Han kom til sitt eige,
og hans eigne tok ikkje imot han.

Men alle som tok imot han,
dei gav han rett til å bli Guds born,
dei som trur på namnet hans.

Dei er ikkje fødde av kjøt og blod,
ikkje av menneskevilje
og ikkje av manns vilje,
men av Gud.

Og Ordet vart menneske
og tok bustad mellom oss.
Og vi såg hans herlegdom,
ein herlegdom som den einborne Sonen
har frå Far sin,
full av nåde og sanning.

Av hans overflod har vi alle fått,
nåde over nåde.

For lova vart gjeven ved Moses,
nåden og sanninga kom ved Jesus Kristus.

Ingen har nokon gong sett Gud,
men den einborne, som er Gud,
og som er i fanget til Far,
han har synt oss kven han er. "

Johannes 1.1-5, 9-14, 16-18

Ein spesiell og fantastisk haust!

2009-11-29T20:36:00.008+01:00

Det er lenge sidan eg har oppdatert bloggen. Fokuset mitt har nemleg vore (og er) heilt andre plassar.
Smil, klemmar, kos, kveldsturar, stjernehimlar og middagar med levande lys har vorte vanlege aktivitetar i det siste.
Takk Gunhild, du er fantastisk!

Andre (mindre) viktige hendingar i livet mitt i det siste:

Tråkktur til Nord-Trøndelag:

Tråkk (trakk.no) = super turgruppe
Grensetur langs svenskegrensa i Nord-Trøndelag vart grensesprengande for mange.
Gjekk frå Meråker og nordover, første halvdel i passe fint ver, resten i litt surt ver og enkelte plassar til dels mykje snø.
Brukte nesten 12 timar på 27 km denne dagen.
Søndag kunne 2 av 9 gå utan smerter, eg var ein av dei.
Det vart oppservert at to personar likte å ta oppvasken sammen.
Totalt sett ein utruleg bra tur, synst no eg, eller kva Gunhild?'

Tråkktur til Agdenes:

Agdenes er ein fin plass.
Bål på fjellet i nydeleg ver er ein fantastisk ide.
Og solnedgang på vei ned frå fjellet – håpar du kan vera med neste gang, Gunhild.

Speidartur:

Det er kjekt å vere speidarleiar på tur.
Anbefaler å prøve «Fattig og rik»: http://www.speiderbasen.no/vis/?id=1280 Trur det var mange som fekk litt å tenke på.
Anbefaler og å leike «Capture the flag». Spennande og slitsomt.
Enda litt usikker på om det var me som greide å slite ut speidarane, eller speidarane som sleit ut leiarane.
Sagt av speidar klokka halv ti: «Kan eg få gå å legga meg?»
Da finst utruleg mange dårlege metodar for å vaske golv.

Anna:

Besøk av gamle vennar er alltid like kjekt. Berre å ta ein tur innom visst de er i bartebyen!!!

Kvardagsbetrakningar II

2009-09-27T21:39:00.002+02:00

Ting eg har notert meg i det siste:

Det er mange folk på toppen av Snøhetta ein septemberlaurdag med fint ver. Nesten like mange som i bymarka.

Spesielt mange Energi og miljø-folk. Minst 8.

Toppen var litt skuffande: Var byggeplass der...

Turførstehjelpskinet mitt inneheld ikkje sårvask og det er nesten tomt for plaster. Men no har eg i allefall strips og sportstape.

Moskus ser fredelege ut, men 250m er passe avstand, trur eg.

Hausten er tida for å ta fine bilete!

Dersom ein sett opp hyller i boden, går det an å gå inn der utan å trakke på noko. Men å montere hyller i ein full bod er ikkje heilt enkelt.

Etter å ha mast i 2 år fekk eg MatLab på jobb!

Alle på avdelingen blir nedgraderte, frå kontor til avlukke. Bortsett frå sjefen sjølvsagt.

Verdens største sveiseapparat verkar! Inntil vidare...

Ikkje alle meiner frukost og Braveheart er passer sammen. Sjølv synst eg at det er ein kjempekombinasjon.

iam.no meiner det er 2 i Norge som heiter det samme som meg, ein som bur på Osterøy og ein som bur i Oslo. Merkeleg nok har begge samme telefonnummer som meg.

Dersom det er lang kø i Tyholttårnet, må ein gå bakover etter kvart som ein nærmer seg baren.

Note til meg sjølv: Neste gang nokon spør om å få låne bilen for å dra på IKEA, og det er jenter blant dei; IKKJE bli med.

Note til meg sjølv II: Dersom ein har eit glass med saft og 2 kjeks i samme hånd og kjeksa knekk; IKKJE prøv å redd kjeksa.

Note til meg sjølv III: Vask bilen, eller i allefall ta ein kjøretur i regnet.

Sommar -09

2009-08-30T19:33:00.004+02:00

Det kjem kanskje fleire bileter etter kvart.

Denne sommaren har kanskje vore den travlaste/mest innhaldsfyllte eg har hatt nokon gong. Noko som resulterte i at eg berre var heima på øynæ ein kveld...

Fyrste post var bryllup i Nederland. Men aller fyrst ein liten stopp i Oslo, med bading avbrutt av tidenes verste sommarbyge. Tidleg opp (04.00) for å nå første fly til Amsterdam. Ein liten tur rundt i Amsterdam, slik at eg kan skrive eit kapittel om byen i reiseboka mi «Europeiske storbyer på under 2 timar». Så tilbake til flyplassen for å hente ut leigebil. Berre eit problem: kven skal me eigentleg hente bilen hjå? Etter mykje om og men fann me tilslutt ut at det sto Hertz i eit av mange vedlegg i mailen eg hadde fått. Rett ut på motorveien og med litt hjelp frå TomTom (som har vore ein god reisekamerat i heile sommar), fann me fram til hytta vår i Ferwert, nord i Nederland.

Det er flatt, men likevel veldig fint i Friesland. Ope landskap og veldig gjennomførte landsbyar. Kanalane og vindmøllene må og sjølvsagt nemnast. Språket, frisisk, skal visstnok ligne på både norsk og tysk, men eg forsto aldri noko...

Bryllupet trur eg var ein lett blanding av norsk og nederlandsk. Hestevogn, koltbord, nederlandsk folkedans, folkedrakter, 150 små bryllupskaker og eit brudepar i nederlandsk folkedrakt og norsk bunad er høgdepunkt som må nemnas.

Så var det opp igjen til Norge og rett til Hemsedal, der eg kom 2 dager for seint til oppstarten av Fjellbibelskulen Opptur. Kan eigentleg ikkje skrive så mykje om desse 4 vekene fordi opplegget er så hemmeleg at me ikkje fekk vete kva me skulle gjere før kvelden før, og ofte ikkje da heller. Men eg kan seie at det var eit veldig bra og intensivt opplegg, med veldig god og tankevekkande undervisning, gode turar og mange andre artige og utfordrande aktivitetar. Takkar alle deltakar og leiarar for ein fantastisk sommar.

Diverre er det få ting som varer evig, bibelskulen var over, og eg måtte vidare. Ein liten stopp på Gol for å besøke Knut og gå på ein passande topp i Hallingskarvet. Deretter vidare til Kristiansand og krik-leiren Arena. Der var eg leiar; frisbee-instruktør. Deltakarane våre var ein fantastisk gjeng, noko som gjorde at dette vart ei enkel og artig veke, til tross for at det var litt trangt og mus på hytta.

Det har vorte mykje kjøring i sommar, over 5000km. Heldigvis har eit ofte hatt passasjerar og sidesjåførar. Den lengst turen, men som ikkje føltest så lang, var til Lyngdal sist helg. Fyllte opp bilen og kjørte opp og ned, med ein overnatting på Fåvang. Målet var sommarens andre brullup, denne gang mellom amerikaner og ei norsk jente. Begynner å bli vant til bryllup med oversetting, men denne gangen forsto eg begge språka. Takker for god underholdning, TP, interessante og uinteressante historiar og artig «grilling».

Har jobba i 3 veker allerede, og har blant anna hatt besøk av søstra mi. Greide å dra ho med på to turar, blant anna til Sokndalen sammen med fam. Fossum. Her er eit reklamebilete:

Ten seconds of fame

2009-04-04T19:42:00.002+02:00

Da har TV2 endeleg sendt innslaget som dei lagde i februar. (sjå blogginnlegget litt lenger ned) Fekk heile 10 sekund i fokus. Og eg fekk sagt "versegod". Flikka forresten merkeleg med augo.

Håper at eg ikkje tar heilt av som kjendis. Merker at eg er litt langt oppe no...

Diverse kvardagsbetraktningar

2009-03-01T20:08:00.001+01:00

Skal bytte kontor igjen i mars. I april vert det bestemt om bygningen me flytter til skal rivast.

Burde gått på ski istadenfor å sykle til jobb fredag.

Gler meg til neste vintertur, nå med pulk istadenfor tung sekk.

Vurderer å ta med pulken opp i marka for å teste den. Treng noko tungt.

Det vart tur utan pulk, med solbriller, men desverre utan solkrem.

Fuglehund er tydeligvis ikkje den enklaste hunden på gå på skitur med. Ei dame med ein veldig leiken fuglehund gjekk forbi nesten 10 ganger. Dei vart snart tatt igjen, medan dama prøvde å få bandet laus frå trer, andre hundar, ungar, ski og egne bein. Vart ganske morsomt etterkvart.

Hybelbuaren min har ein tendens til å gløyme nøkkel, og eg har ein tendens til å ikkje høyre verken telefon eller ringeklokke når ho vil inn.

Sol ute. Trur det er litt lite sol inne. Kanskje det er derfor plantene mine ikkje lever lenge. Må vurdere å setje dei nærmare vindauga.

Endeleg litt framgang i munnspelspelinga. Med denne farten kan eg vurdere å spele for andre om ein 4-5 års tid.

Det snør. Trur eg tar biln.

Trøytt. Må slutte å spele brettspel til langt på natt. Nei, må slutte å vakna så tidleg om morgonen.

Egg til frukost? Ja.

Frukostfilm. Dårleg. Får sjå den ferdig seinare.

Gå, sykle eller kjøre til Frikyrkja i dag? Sykle!

Rakk akkurat siste runde på 5 mila. Nytt VM-gull.

2 søskenbarn er på TV! Bra det er nokon sangfugler i familien...

TV2-kamera 10cm frå fjeset

2009-02-13T12:22:00.004+01:00

Vart utsatt for eit TV2 kamera i går. Kameramannen var så nærgåande at det var så vidt eg unngjekk å dunke bort i kameraet medan eg serverte suppe i Vår Frues Kirke.

Reknar eigentleg med at det berre er henda mine som vil synast på tv. Legg da merke til kor mykje suppe eg søler på talerkane. Håper for all del at dei klipper vekk ein håplaus kommentar og då nokon, med god hjelp frå meg (og kameramannen), søler.

Rekner med innslaget vert sendt på Lørdagsmagasinet den 14.02, omlag 1850-1930, men tviler på at eg vert kjendis etter dette....

God Jul!

2008-12-25T20:01:00.000+01:00

Blogging

2008-12-25T19:46:00.001+01:00

Haustbileter

2008-12-15T19:21:00.005+01:00

Nokre haustbileter, dei fleste frå Rensfjellet

Gøyaste dagen på jobb hittil!

2008-12-04T21:04:00.002+01:00

...men kunne og vorte ein veldig kjedeleg dag.

Det er alltid spennande å teste eit anlegg, men det er ekstra spennande når ein sjølv har funnet på måten å teste det på, og dei gamle ringrevane synest det var ein "artig" ide som lett "kunne" verka. Etter 4 dagar med rigging, simulering og kløing i hovudet greide me å luke ut mange feil som lett kunne ført til store straumar, eksplosjonar, brannar og smelting av metall.

Eg var eigentleg ganske sikker på at det ville gå bra da me endeleg var klare til å starte opp. Men så legg skulle det ikkje vere. Strømmen svinga som besett, og det høyrdest ikkje ut som omformaren hadde det særleg godt. Ein annan nykomming hadde sett feilen nokre timar før, men ein høyrer ikkje alltid på nokon utan erfaring. Den måtte påpeikast av ein gamal ringrev før me fann det best å gjere noko med det.

Resten av dagen og kvelden var det eigentleg berre halleluja-stemning. Alt virka, ingenting blei varmt og me slepp å bruke resten av månaden på å forklare og spøke med at me har sprengt eit anlegg. (som andre har måtte gjordt i det siste)

Gler meg til neste test i prøvefeltet, som begynner allereie i morgon :-)

Interrail - Del I

2008-12-01T20:45:00.001+01:00

På tide å skrive reisebrev/blog snart, før eg gløymer ut alt.

Lite av turen var planlagt på forhand. Me hadde kjøpt Lonely Planet for Aust-Europa i tillegg til ei amerikansk reishandbok. Aust-Europa var nemleg planen den fyrste veka.

Dag 1:

Ferien hadde nærma seg alt for fort, og alt for mykje skjedde sjølvsagt siste dag på jobb. Men den litle brannen i transformatoren var ikkje min feil... Vart no sånn cirka ferdig med alt eg skulle gjere. Eller fekk nokon andre til å gjere det.

Sneik meg i allefall ut og på det første toget på reisa, ettermiddagstoget til Oslo. Der møtte eg Knut, som skulle få vere maks ein halv km frå meg dei neste 3 vekene.

Dag 2:

Etter ei natt i Oslo, gjekk turen sørover. Götenborg, Malmö, Køpenhavn. Sistnemde er den første aktuelle byen til å få vere med i reiseboka «Storbyar i Europa på under 2 timar». Dersom me hadde eit par timar i ein by til neste tog gjekk vidare, kunne me lika godt skomma fløyten av det viktigaste å sjå i byen, sjølvsagt utan nokon form for guiding.

Prosedyren er enkel: Ein kjem til ein ny by, sjekkar når neste tog går og om det går frå stasjonen ein er komme til, finn ein plass å plassere sekkane dersom det er tid eller ikkje altfor lang kø, får tak i eit kart, ser om ein finn nokon turistplassar som er i nærleiken av togstasjonen, går i RETT retning ut frå stasjonen, et det første og beste ein får auge på, fortsett på rundturen og passer på at ein kjem tilbake til stasjonen akkurat tidsnok til å finne nokon ledige seter på toget. Kjapt, effektivt og masse bileter!

Tilbake på toget og togbåt over til Tyskland. Danskane er nemleg galne nok til å kjøra heile tog inn på båtar og frakta dei over til fastlandet. Allerede på båtturen begynnte me å sakna den friske norske lufta. Over det europeiske kontinent framom oss låg nemleg ein vemmeleg gul dis. Såg ikkje heilt bra ut. Og den lufte skulle me puste inn i 3 veker....

Etter kvart begynnte det å verte seint, så seint at det var på tide å finne eit hotell. Me hoppa derfor av toget i Lübeck, eit tilfeldig og godt val. Me rakk akkurat å finne eit ledig gjestehus før resepsjonen stengte. Lübeck er absolutt ein by som er verd å besøke. Êin gammal, rik handelsby med mange vakre hus, gjennomført stil og kyrkjer i alle himmelretningar.

Dag 3:

Vidare til Hamburg og Berlin i 320 km/t. Det går utruleg mange tog i Europa og det kan vere vanskeleg å få oversikten. Heldigvis har Deuche Bahn ei kjempegod søkeside, db.de. Søker du på Trondheim-Roma, får du opp bra reiseruter, og det tar faktisk ikkje så utruleg lang tid. Men me hadde ikkje internettilgang på toga. Løysinga vart derfor å ta bilete med mobilen av skjermen på internettkafeer. Me leita opp ulike aktuelle reiseruter og tider som kunne vere aktuelle, slik at me kunne velge litt medan me reiste.

Ein rask gåtur gjennom Berlin med ryggsekker Fekk i allefall sjå Brandenbürger Tor og forberedelsar til VM-finalen. Såg ut som det var enorme mengdar med folk som skulle samlast for å sjå. Men me hadde ikkje tid til å vente eit par dagar på finalen. Turen gjekk vidare til Praha samme ettermiddagen, gjennom små, trange, svingeta dalar. Me fann til slutt eit lubbent og billeg hostel og ein litt bedre plass å ete middag. Me prioriterte eigentleg god middag framfor ein fin plass å bu. Trur me brukte omtrent like mykje på mat som på overnatting.

Dag 4:

Endeleg ein dag utan reising. Heile dagen vart tilbring i Praha, kanskje den vakraste byen me var i på heile turen. Arkitekturen var 100% gjennomført i gamlebyen, som var skikkeleg stor.

På kvelden var me på kammermusikk-konsert. Eg synest det var kjempebra, Knut som speler fiolin, hadde høyrd bedre. Av og til er eg glad for at eg ikkje er altfor musikalsk.

Ford Taunus

2008-09-09T21:19:00.002+02:00

Merete masar slik om at det er lenge sidan eg har skrevet på bloggen, så eg føler meg tvungen til å gjere det no. Og det skal komme innlegg om sumarferien, med bileter, før neste sumar.

Fatter'n sin første bil var ein Ford Taunus, 1974 modell trur eg. Taunusen var lik den på biletet, berre med ein litt sterk gulfarge. Sidan eg ikkje kan hugse at han klagte over den, tenkte eg det var ein god ide å begynne der eg og.
Det er vanskeleg å finne gode Taunuser, årgang 1974 for tida. Dei er for da mesta gjennomrusta og har runda dei magiske 66 tusen km. Og den rette gulfargen er umogeleg å finna. Kollisjonsputar, abs, antispinn, antiskrens, regulerbart ratt, ryggesensorer, klimaanlegg, regnsensor, innebygd tv, massasjesete og badstue finst ikkje på ekstrautstyrslista eingang.

Etter å ha tråla nesten alle bilforetningane i Trondheim fann eg det som må vere ein etterkommar. Litt større, litt sterkare, litt nyare, litt mindre rust, litt rolegare farge, litt mindre rånefaktor og litt dyrare. Ikkje like fornuftig som Corolla, men nesten.

Det måtte bli Europas nest mest selde bil dei siste åra, Ford Focus. Ikkje for orginal, ikkje for ordinær. Tysk kvalitet. (Sjå opp for skult reklame for Siemens) Den beste girkassa eg har vore bort i. Større plass enn ein Berlingo? (Ja, det er stasjonsvogn... finst nesten ikkje noko anna for tida, og det er stor plass til alt mogeleg rot i dei)
Fattern kjøpte sin første bil for ca 30 år sidan. For 3 år sidan kjøpte han bil nr. 3. Og den kjem han sikkert til å ha i 10 år til.

Kan ikkje love å ha Focusen i 15 år, men den burde holde ei stund..

Gler meg til å hente bilen om ei veke :-)

Paa Jarnvegen

2008-06-29T21:56:00.002+02:00

Da har ferien begynnt og dei europeiske jernbanespora skal slitast ned. Turen begynnte i Trondheim, og sidan litt av meiningen med turen er aa reise miljovennleg, tok nsb meg til Oslo. Og sidan har det vore mykje tog. Meiningen var aa reise fraa Oslo til Berlin paa under eit dogn, men sidan nattoget antageleg var fullt, blei turen lagt om Danmark. Ein liten ferjetur blei det og, ettersom danskane absulutt skal ta toget med over sjoen. Me hoppa av toget i Lubeck, og det var absolutt paa tide aa finne ein plass og sove. Lubeck er forresten ein by aa anbefale, da mange rike handelsmenn har konkurert om aa bygge dei finaste kyrkjena og andre bygningar.

Det vart tid til aa faa med seg litt av Berlin foer turen gjekk vidare til Praha, og ein fantastisk by med fantastisk mange nordmenn.

I dag har det vore reisedag igjen. Me kom oss til slutt paa vognene som skulle der me ville, og havna etter 8 timar i Krakow.

I morgon vert det litt tusling her i byen og ein tur til Auswitch. Det blir sikkert interessant Deretter nattog til Budapest.

Hmm, kanskje litt lite artige historier, men alt har eigentleg gatt ganske smertefritt til no og er ikkje i skrivemodus/det kreative hjornet akkurat no

Glad eg bruker sykkelhjelm!

2008-06-02T22:57:00.006+02:00

No tenker du sikkert at eg har trynt på sykkel igjen, men ikkje denne gangen.

Da heila begynte nemleg i dag da eg hadde sløst vekk eit par timar med nydeleg ver og heller jobba overtid. Det verka som kråka venta på meg når eg kom ut av døra. Den såg rett på meg og skreik medan eg gjekk forbi treet den sat i. I da eg passerte under, flaug den ned og omlag 1 meter over meg.

Ja, ja, eg kom meg i allefall bort til sykkelen og fekk på meg hjelmen. Kråka sat enda i treet og var like sint. Eg låste opp sykkelen og sto stille i 5 sekund medan eg vurderte kråka og vegvalet mitt. Eg kunne gå i ein ring rundt treet, heilt inn til veggen på Siemens-blokka, utan at eg kom nærare treet med kråka. Alternative ville vere ein omveg på minst 100 meter. Men valet var lett, ei kråke kan da umogeleg vere farleg.

Eg satte meg roleg på sykkelen og sykla den tenkte ruta. Men det var ikkje kråka einig i. Igjen stupte den mot meg, denne gangen omlag 1 meter over meg. Det begynnte å verte utriveleg no. Føtene gjekk raskare no, men ikkje sykkelen gjekk for seint. Altfor lett gir. Men no måtte eg konsentrere meg om kråka. Eg hadde sole i ryggen, og såg styggen til kråka komme mot meg bakfrå. For å unngå kråka la eg meg ned mot styre. Denne gangen kunne eg høyra flaksing til kråka i da den snudde rett over meg.

Framfor meg var det nokon trer. Kanskje eg kunne utmanøvrere kråka ved å sykle tett mellom dei. Kråka flaug ikkje rett på eit tre, slik som eg hadde håpa, men heldigvis ikkje på meg heller. Men den var nærare enn nokon gang.

Berre 10 meter igjen til vegen med mange bilar. Dersom eg kom meg til fotgjengarovergangen og bilane ville kanskje kråka gje seg. Alternativt ville mange fått seg ein god latter dersom dei hadde sett ein samankrøkt syklist med ei innpåsleten kråke over hovudet. Men kråka hadde enda tid til eit angrep før vegen. Det var ikkje nokon fleire tre å slenge seg rundt no. Eg var i ope og farleg terreng. Skuggen til kråka kom enda lågare denne gangen. Eg låg no heilt nede med brystet mot styret. Overgangen nærma seg og eg måtte løfte hovudet og sjå etter bilar. Akkurat da eg hadde konstatert at det ikkje kom nokon traff kråka. Den sneia nedi hjelmen min snudde for siste gang.

Har aldri vore redd fuglar før, men trur eg skal vurdere bruke den andre inngangen i morgon tidleg, i allefall visst det sit ei kråke i treet. Og kanskje Hitchcock sin film "Fuglene" er skummel neste gang eg ser den?

Ei gal verd

2008-05-14T22:23:00.003+02:00

Norsk media ein mandag:

Massevelt i Giro De Italia. Katastrofe og slagmark er nokre av skildringane frå kommentatorane som prøver å overgå kvarandre.

Samtidig i Burma: 1,5 millionar menneskjer står i fare for å døy. Minst 100 000 er allereie omkomme.

Samtidig på vg.no: To saker om Burma langt nede på fyrstesida.

Samtidig på dagbladet.no: Ei sak om Burma.

Samtidig på aftenposten.no: Ei sak om Burma.

Samtidig i Kina: 3000-5000 omkomne i jordskjelv.

26. desember 2004: 285 000 omkom i tsunami. 84 nordmenn. Stor del av mediedekningen handla om UD sitt rot med lister over sakna.

11. september 2001: 3000 omkomne. Ein dato som alltid vil være forbundet med det som skjedde i New York.

Ålesund: 5 omkomne i bustadblokk.

Kvar dag: 25 000 dør av svolt. Hender det er eit oppslag i media.

Hmm, har aldri forstått prioriteringane til media. Når eg ser på talla her, finn eg liten samanheng mellom antall døde og mediaomtale i norsk media. Fortener 285 000 asiatar, 84 nordmenn eller 3000 amerikanere mest oppmerksomhet? Kva med 10 millionar som dør av sult kvart år?

Verden har vorte mindre. Me reiser verden rundt, handlar med kvarandre, jobbe saman med asiatar og prøver å lære afrikanere å stå på ski. Asia og Afrika er ikkje lenger lengre vekke enn Amerika.

Sjølv om alle katastrofane kan verke langt vekke frå meg, men det er vel min gale verden og.

Korleis slette alle kontaktane sine på msn?

2008-03-25T19:38:00.004+01:00

Microsoftprogrammer som samarbeider kan verte eit problem når ein prøver å gjere noko som ikkje er meint å gjerast.

Tildømes å vere pålogga på msn på fattern sin pc, samtidig som ein fikser epostklienten. Outlook er da så smart at det utan vidare importerer kontaktane frå (min) msn. Dersom ein prøver å slette desse kontaktane frå Outlook, sletter ein samtidig kontaktane på msn. Og derfor er eg ganske vennelaus og føler meg ganske åleina akkurat no....

Kunne faktisk eit par adresser utanatt, men treng hjelp. Send meg derfor eit "hei" eller noko slekt medan eg er pålogga, så dukke du oppatt på skjermen min.

Dersom du aldri har hatt æren av å ha meg som venn på msn, kan eg opplyse om at epost-adressa mi er <1.fornamn>.<2.fornamn>@ einasteetternamn.net og at eg aldri har avvist nokon...

Vekas spel

2008-03-10T19:29:00.001+01:00

Artig spel der alt snur seg på håvve.

http://www.onemorelevel.com/game/shift

og den litt meir utfordrande oppfølgjaren:

http://armorgames.com/play/964/shift-2

Vekas nøtt

2008-03-01T02:43:00.004+01:00

Fyll ut med operatorar (+, - ....) på venstre side av erlikteiknet for å få reknestykket til å stemme. Tal og bokstavar er forbodne.

1 1 1 = 6

2 2 2 = 6

3 3 3 = 6

4 4 4 = 6

5 5 5 = 6

6 6 6 = 6

7 7 7 = 6

8 8 8 = 6

9 9 9 = 6

10 10 10 = 6

Middag til førstemann med rett svar!

Tips for å unngå misforståingar:
Løysinga på den andre oppgåva, den enklaste er 2+2+2=6.
Minst 6 forskjellege operatorar må brukast.

Korleis bli ein betre/verre syklist

2008-02-28T21:32:00.002+01:00

Etter 5,5 år som syklist i Trondheim er eg enda i livet. Eg har heller ikkje skada meg, ikkje sykla på folk eller hundar, berre dåtte eit titals gangar og berre sykla på ein drosje (det gjekk utruleg nok bra med drosjen). Derfor synst eg det er på tide å avsløra oppskrifta på suksessen, som eg håpar vil vere til nytte for alle andre litt galne syklistar.

Det finst ikkje noko fasitsvar for korleis ein skal oppføre seg i bestemte trafikksituasjonar. Kvar enkelt situasjon må bedømmast. Riktige prioriteringar er viktige for å finne ein god, rask og nokolunde sikker løysing:

1) Det viktigaste er å ikkje bli påkjørt eller på andre måtar daua eller skade seg.

2) Oppdra bilistar; Ver tydeleg på at du som syklist har retten på di sia når du møter ein bilist, spesielt når du faktisk har forkjørsrett.

3) Komme seg raskt fram, sjølv om det kjem i konflikt med punkt 5.

4) Ikkje hindre bilistar unødvendig, elles blir dei berre sure og prøver å kjøre på deg. Det er ikkje noko grunn til å sykle på den trafikkerte vegen, når det er ein fin sykkelsti nett attmed. Dersom det er is eller snø på sykkelstien, blir saken ein litt anna.

5) Å halde trafikkreglane er det minst viktige punktet. Det hjelper deg berre i liten grad å halde punkt 1.

PS: Forfattaren tar ikkje noko ansvar for ulykker som måtte oppstå etter at lesaren har prøvd ut råda gitt i denne teksten.

Lenge sidan sist

2008-02-18T22:30:00.001+01:00

Hmm, over to månader sidan eg har skrevet noko her. Føler det er på tide å komme i gang igjen, men har eigentleg ikkje noko fornuftig å skrive. Derfor blir det eit diverse-innlegg.

Se fotball og dø (vl.no)

Fotball er farleg spennande, og statistikk viser at sjansen for å få hjarteinfarkt under fotballkampar er mangedobla. Enda ein grunn til å halde fotballinteressen på det minimale.

Siemensnytt

Siemens leiger ut lokale til Antisimex (skadedyrutryddingselskap)...

Gis bort

på finn.no er genialt. Her kan ein blant anna gje vekk:

Gammelt fjøs
Store steiner 1/2 til 1 tonn
100m2 hus
Tomflasker ein ikkje gidder å pante sjølv

Jul, stress, penger og sånn

2007-12-03T20:41:00.000+01:00

Det er desember, advent og eg begynner faktisk å få julestemning. Og i år slepp eg og mesteparten av førjulsstresset, og kalla eksamensperiode. Til tross for uvanleg mykje tid har eg så vidt begynt å tenkje på presangar. Faktisk ligg eg på etterskot med gebursdagspresangar etter hausten. (unnskyld)

Sweco har visst funnet fram til kven som er mest stressa i desember, kanskje den mest omtalte personen knytta til jula, men neppe den viktigast, nemleg Julenissen. Han må nemleg innom 30 000 heimar kvart sekund på julekvelden, halde ein gjennomsnittsfart på 5800 km/h og sleden vil visstnok brenne opp etter berre 4.36 millisekund.

Det dei ikkje har rekna på er den enorme G-krefene nissen opplever. Visst ein fortsett på reknestykket som er nærmare forklart på http://www.bt.no/jul/article451056.ece, og antar at nissen må stoppe opp kvar gang han skal levere ei pakke (han kjem ned pipar og fer opp igjen samme veg, ergo må han stoppe opp), kjem eg til at nissen opplever minst 70 000 000 G kontinuerleg. Ettersom nissen er ein ganske romsleg kar, vil han oppleve at han veg omlag 10 milliarder kg. I tillegg må han svinge litt av og til, noko som fører til enda større krefter.

Det er bra de bruker tida på Sweco til noko nyttig, Erlend. Men eg synst å hugse at nokon rekna på dette i fjor og.

PS:
Såg nettopp IKEA-gründer Ingvar Kamprad på nyhendene, som meiner at jula har vorte for kommersiell og begynner for tidleg. Samme person reiser på økonomiklasse, og skryt av at han har fått tak i billegbillettar. Og sjølv om han er god for omlag 200 milliardar, kjører han ein 15 år gammal Volvo. Han er den økonomiske helten min og stiller i samme klasse som onkel Skrue.

Alternativ varmepumpe

2007-11-12T20:57:00.000+01:00

Etter å ha gått 5 år på Energi og MILJØ, vert ein faktisk litt bevisst på energibruk. Lite varmetap var faktisk viktig da eg kjøpte leilegheit. Dessverre, så vidt eg har lest meg til, er det ikkje lov å ha varmepumpe her. Det hadde uansett vorte dyrt da eg bruker ganske lite straum til oppvarming.

Ein billegare og tillate løysing er å bruke ein gammal fryseboks som varmepumpe. Den må da stå i stova og eg kan tenkje meg at den må fyllast dagleg med ei ny bøtte med vatn ettersom ein liten fryseboks har ein nedfrysingskapasitet på 10-12 kg/døgn. Vatnet vert kjølt ned og frys, og energi går frå vatnet til rommet.

Dersom ein antar at effekten til fryseboksen er på 50 W, (trur faktisk dette er litt mykje), at den går kontinuerleg og at den greier å kjøle ned 10 kg vatn frå 20 grader til -18 grader på 24 timar. I tillegg til 50 W varme frå den elektriske energien, får ein da 53 W varme frå vatnet. Det gir ein virkningsgrad på 2,1. Ein får dermed dobbelt så mykje varme som om ein hadde brukt ein elektrisk omn!

Da er det berre å finne nokon som gjev vekk ein fryseboks på finn.no.

Eit problem er isen. Den må takast ut for at ideen skal verke. Men det er sikkert plass til litt på terrassen.

96.9% sjanse for seriegull!!!

2007-10-06T15:47:00.000+02:00

Sånt liker eg. Ikkje berre den høge sannsynligheta, men at nokon (Norsk Regnesentral), sett av tid og ressursar til å rekne på artige ting.

MEN: Eg reknar med at simuleringa er gjord på grunnlag av resultata hittil denne sesongen. Og eg vil tru at sannsynligheta for at Brannspelarane ikkje greier å halde håve kaldt er ganske stor, slik at resultata tidlegare i sesongen nok er eit dårleg grunnlag for simulering.

Så sannsynligheta er nok større enn 3.1% for at Brann rotar det til... Men er likevel optimistisk nok til å tru at det går rette veien!!!

http://www.bt.no/sport/gulletskahem/article420688.ece

Fordelar og ulemper med å bu åleina

2007-10-01T22:52:00.001+02:00

Av ein eller annan grunn vert det eit stort ope rom mellom denne teksten og tabellen...

Fordelar	Ulemper
Steikeovnen er alltid ledig	Kan ikkje ringe å bestille oppvarma ovn
Oppvaskemaskin	Nei
5 hyller i kjøleskapet istadenfor ei.	Kan ikkje snylte på nokon andre når det mangler mjølk, ketsjup eller liknande.
Kan like godt rydde med ein gang sidan eg må gjere det sjølv før eller sidan.	Må gjere det sjølv.
Badet er alltid ledig	Kan ikkje høyre på folk som syng i dusjen, og heller ikkje låne shampoo.
Kan sjølv bestemme kva eg eg skal sjå på TV'en	Har nesten ingen DVD'er lenger
Ingen pratsomme sunnmøringar	Ingen pratsomme sunnmøringar

Dagens sitat:

2007-09-22T02:55:00.000+02:00

"Tor Inge, visst det er slik at brettspel er for kristne som alkohol for andre, har du eit imponerande barskap." Torkel

Høghastighetsbane

2007-08-30T19:11:00.000+02:00

Krfu har foreslått å bygge høghastighetsbane mellom Bergen og Oslo, i tunnel! Lo litt før eg begynte å rekne på det.

Lærdalstunnelen kosta om lag 1GNOK (1 000 000 000 kr) i 2002 og er om lag 25 km lang. Mellom Bergen og Oslo er det om lag 300 km i luftlinje. Det gir ein pris på 12GNOK, 2500 kr/nordmann, 0,7% av Oljefondet eller 0,8% av BNP. Til samanlikning skal Norwegian bruke 18GNOK på nye fly.

Prisen forutsett sjølvsagt at tunnelane vert bygd i godt vestlandsk fjell, og at det er nokon luftehol under vegs. På austsida av fjellna kan dei heller byggje i friluft, det kan da umogeleg gjere det dyrare.

Kanskje ikkje så dum idè likevel. Høghastighetsbane vil uansett spare store summar i sårt trengt vedlikehald av eksisterande jernbane, redusere flytrafikken og tungtransporten på vegane. Og tenk så enkelt; Tog mellom dei to største byane i Norge på 2,5 timar!!!

Tor Inge

2007-08-22T19:59:00.000+02:00

Har snudd litt fram og tilbake på namnet mitt, og funnet ut at det eigentleg passer litt.

Tor -> tro, ein viktig del av livet mitt!
Tor -> rot, treng vel neppe djupare forklaring.
Inge -> geni, vel, vel, det var vel å ta litt hardt i...
Inge+n -> gnien, i allefall sparsommeleg

Kom på ein ting til da eg fekk fekk signaturen min i Siemens, som består av bokstavar frå for og etternamn: TRei.

Er veldig glad for at dei ikkje tok med ein bokstav til frå etternamnet...

Deutchland, Deutchland unter alles

2007-08-03T18:10:00.000+02:00

Trur kanskje aldri eg kunne trivast med å bu i (Sentral-)Europa over ein lenger periode. Har vel aldri vore noko bymenneske, må ha litt natur og rom rundt meg. Trondheim er greit, så lenge ein kjem seg litt utanom sentrum.

Var i Munchen og ein liten plass som heiter Heidenheim tidlegare i sumar. München er forresten nettopp kåra til beste by i verda å bu i av eit eller anna magasin. (note til meg sjølv: hugs å notere referansar i framtida). Kjenner meg igjen i mykje av skildringa: Mange vakre bygningar og gjennomført arkitektur, store parkar, god (og kraftig) mat, eit utruleg bra kollektivsystem med InterCity Express, lokaltog, S-bahn, U-bahn, trikk og buss, ryddig, reint og lite kriminalitet. Men det treff ikkje meg heilt. Arkitektur er fint det, men det har aldri gitt meg ein wooow-opplevelse. Tilrettelagde parkar kan ikkje samanliknast med "the real thing". Og ein toppa tallerken med 75% kjøtt, 20% sauerkraft og to tomatskiver på restaurant tilsvarer 2 veker av mitt normale kjøttforbruk.

Men tross alt, visst eg måtte bu i ein storby, trur eg Munchen hadde vore eit naturleg valg. Det er jo ganske kort avstand til Alpane...

Vil til slutt anbefale Deutche Museum i Munchen, eit gigantisk teknisk museum som har alt av frå alle tidsepokar. Trur det er første gangen nokon har hatt problem med å dra meg ut at eit museum... Høgdepunkt som kan nemnast: Skikkeleg gamle elektriske motorar, demonstrasjonen av lyn og ein original grønlands kajakk.

Vekas dårlege idè: Sprenge ein kval

2007-07-21T15:49:00.000+02:00

Visst du ikkje vil vete meir om dette, ikkje les meir!

Eit kvalkadaver vart funnet utanfor Bergen denne veka. Bergens Tidene vurderte ulike måter å kvitte seg med dette luktproblemet. (http://www.bt.no/lokalt/bergen/article385602.ece) Eit av alternativa var å sprenge kvalkadaveret. Dette vart prøvd i USA i 1970 da ein stranda kval stranda på ei strand og ingen hugsa korleis ein skulle kvitte seg med det. 500 kg dynamitt vart brukt, noko som var nok til at tilskuarane vart bombandert med større og mindre kvalbetar. Måsane, som skulle ete opp restane etter kvalen vart og skremt, og det endte med at kvalen måtte samlast opp i betar.(http://youtube.com/watch?v=1_t44siFyb4&mode=related&search=)

BT anbefalte og å ikkje nærme seg kadaveret, da gassar i tarm og mage kan føre til at det sprenger. Dette skjedde da eit kvalkadaver skulle fraktast gjennom ein by i Taiwan. Ikkje noko pent syn. (http://www.angelfire.com/cantina/whale/)

Det var eit utdrag av sumarens agurknyheter. Vil du lese fleire dumme nyheter, vil eg anbefale vg.no og dagbladet.no for tida. Det er og verd å leggje merke til at dagbladetjournalistane får lov til å skrive "blogginnlegg" om sine hjartesaker, som vert fyrstesideoppslag på dagbladet.no.

Sau!

2007-07-13T20:02:00.000+02:00

Sauer er dumme dyr, men denne er litt artig og. Last ned og opn fila. Fila kan opnast fleire ganger samtidig!

http://folk.ntnu.no/toringr/Sau/

Vekas nerdetips: Bineær addisjonsmaskin

2007-07-13T10:50:00.000+02:00

Er nerdeta nok til å synast at dette er ein kjempeidè!

Henger meg på bloggbølgja, endeleg!

2007-07-12T18:27:00.000+02:00

Har ferie og det regner ute, så nå er det tid for å opprette ein blogg, noko eg har planlagt i omlag to år. Har til og med laga "heimalaga" blogg, men den vart desverre aldri heilt ferdig. Kan hende at den dukkar opp etter kvart...

Litt usikker på kva eg skal bruke denne bloggen til enda, og kven som kan vere interessert i å lese den... Men skal skal prøve å få med viktige ting som skjer i mi litt rare verd. (Eller er den så veldig rar eigentleg?) I tilleg kan det hende at eg deler litt rare tanker, alvorleg spørsmål, gøye ting og alt ant som eg får lyst til å skrive om.